მიშელ ალენს ბევრი ძაღლი ჰყოლია, თუმცა ერთმა მათგანმა, გულის პრობლემებითა და ცუდი კბილებით, მისი ცხოვრება სამუდამოდ შეცვალა.

მიშელმა და მისმა ქმარმა ძაღლი სახელად მანქი თავშესაფრიდან წამოიყვანეს, რათა მისი ცხოვრების ბოლო თვეები გაელამაზებინათ.

ფოტო: CNN

"მისი სიკვდილი ძალიან რთულად გადავიტანეთ. თავიდანვე ვიცოდით, რომ ამის გამოვლა მოგვიწევდა, თუმცა გადავწყვიტეთ, რომ მისთვის სიყვარული გვეჩუქებინა და ის გაგვეკეთებინა, რაც შეგვეძლო", ამბობს მიშელი.

როდესაც მან შეიტყო, რომ უამრავი მოხუც და დაავადებულ ძაღლს თავშესაფარში ევთანაზიას უკეთებდნენ, მიშელმა გადაწყვიტა თავისი მათთვის თავისი ფერმის კარი გაეღო. მან ძაღლების ახალ სახლს მანქის სახლი დაარქვა.

2015 წლის შემდეგ, მანქის სახლში უამრავმა ძაღლმა გაატარა მისი ცხოვრების ბოლო დღეები.

ფოტო: CNN

"სხვანაირად მწუხარებას ვერ გავუმკლავდებოდით. მანქის გაუხარდებოდა, ამდენი ძაღლი მის სიცოცხლეში რომ მოგვეყვანა. ახლა ამ გზით მას პატივს მივაგებთ", ამბობს მიშელი.

ცოლ-ქმარის თქმით, ბევრი ადამიანის წარმოსახვაში მათი ფერმა სევდიანი ადგილია, "არადა ეს დედამიწაზე ყველაზე ბედნიერი ადგილია".

მიშელს, რომელიც ოდესღაც მედდა იყო, 50 მოხალისე ეხმარება. ამ დროისთვის, მანქის სახლში 25 ძაღლი ატარებს თავისი ცხოვრების ბოლო დღეებს. მათ სახლში გაკეთებული საჭმლით უმასპინძლდებიან და წამლების გარდა, უანგარო სიყვარულს ჩუქნიან.

ფოტო: CNN