სადამკვირვებლო მისიების სარჩელის განხილვა ამ მომენტში ქუთაისის სააპელაციო სასამართლოში მიმდინარეობს.

არასამთავრობო ორგანიზაციის ჩემი ხმის წარმომადგენელმა მოსამართლე შოთა სირაძის აცილების შუამდგომლობა დააყენა, თუმცა არ დააკმაყოფილა.

ამასთან, არ დაკმაყოფილდა ექსპერიმენტის ჩატარების შუამდგომლობა.

შეგახსენებთ, რომ ქუთაისის სააპელაციო სასამართლოში საიას და ჩემი ხმის სარჩელის განმხილველი ერთ-ერთი მოსამართლე არის შოთა სირაძე, რომელიც საპატრულო პოლიციის უფროსის, ვაჟა სირაძის მამაა.

"თქვენ მიერ მითითებული გარემოება არანაირად არ შეიძლება აცილების სამართლებრივი საფუძველი გახდეს. ვფიქრობ, რომ თუ ასეთი გარემოება ჩემ მიმართ წარმოშობდა აცილების საფუძველს, მე თვითონ განვაცხადებდი", — განაცხადა შოთა სირაძემ.