მედია რადიო თავისუფლებას თბილისის მერიის პრესსამსახურში უთხრას, რომ თბილისის ყოფილ მერს, გიგი უგულავას, ავტობუსით "უბილეთოდ მგზავრობისთვის" შეცდომით გამოუწერეს ჯარიმა. ამ დროისთვის, უგულავას საბანკო ანგარიშზე ყადაღა მოხსნილია.

ამასთან, მერიაში განმარტეს თუ რატომ გამოწერეს შეცდომით ჯარიმა უგულავას სახელზე.

"აღნიშნული ჯარიმა გამოწერილია შეცდომით. უბილეთო მგზავრობას ადგილი ჰქონდა სხვა პიროვნების მხრიდან და იდენტიფიცირების დროს დაფიქსირდა ხარვეზი. აღნიშნული მოქალაქის სახელი, გვარი, დაბადების წელი და რეგისტრაციის ადგილი არის იდენტური.

პიროვნების იდენტიფიცირებასთან დაკავშირებით სხვა დროსაც დაფიქსირდა ორიოდე შემთხვევა, თუმცა მოქალაქის მომართვის საფუძველზე, მოხდა დაუყოვნებლივი რეაგირება.

მოცემულ შემთხვევაშიც ჯარიმა და მასთან დაკავშირებული ყველა შეზღუდვა, რაც დაედო მოქალაქეს, მოხსნილია", — წერს მედიას თბილისის მერია.

შეგახსენებთ, რომ დღეს, 4 ნოემბერს, გიგი უგულავამ Facebook-ის ოფიციალურ გვერდზე დაწერა, რომ "ავტობუსით უბილეთოდ მგზავრობის" გამო დააყადაღეს.

გაიგეთ მეტი ამ თემაზე:

გიგი უგულავა: ახლა ბანკიდან შემატყობინეს, რომ ანგარიშზე მადევს ყადაღა