The Korea Herald-ის ცნობით, რუსეთში უკრაინასთან გაგზავნილი ჯარისკაცების სანაცვლოდ, ჩრდილოეთ კორეა რუსეთისგან ფულადი ანაზღაურების გარდა, ყოველწლიურად 600 000 — 700 000 ტონა ბრინჯსაც მიიღებს.

სამხრეთკორეული გამოცემის ინფორმაციით, ჩრდილოეთ კორეა შესაძლოა მოელის, რომ კორეის ნახევარკუნძულზე სამხედრო ესკალაციის განვითარების შემთხვევაში, რუსეთი სამხედრო დახმარებას გაუწევს.

ამ ინფორმაციას ისინი სამხრეთ კორეელი ექსპერტების შეფასებით წერენ.

როგორც მედიას რუსეთში ყოფილი ელჩი და ამჟამინდელი პარლამენტარი ეუბნება, უკრაინასთან ომში ჩართვა ფხენიანისთვის "სრულებითაც არ არის ცუდი".

"ჩრდილოეთ კორეა რუსეთის მხარეს იბრძვის. თუ კორეის ნახევარკუნძულზე ოდესმე ომი დაიწყება, ჩრდილოეთ კორეას უკვე შეუძლია, მოელოდეს, რომ რუსეთი მოვა და მას დაეხმარება", — თქვა სამხრეთ კორეელმა პარლამენტარმა.

ამასთან, მისი თქმით, ჩრდილოეთ კორეაში საკვების უკმარისობასთან დაკავშირებული და ფინანსური კრიზისი, მეტწილად სწორედ სამხედრო დახმარების სანაცვლოს, რუსეთის მიერ არის კომპენსირებული.

ყოველი ჩრდილოეთკორეელი ჯარისკაცი, რომელიც რუსეთში გაიგზავნა, რუსეთისგან მიიღებს 2000 დოლარის ფულად ანაზღაურებას, აქედან გამომდინარე, რუსეთს წელიწადში 200 მილიონი დაუჯდება, იმის გათვალისწინებით, რომ 10 000 ჩრდილოკორეელი ჯარისკაცი უკვე იბრძვის რუსეთში — ამის შესახებ ინფორმაცია გასულ კვირას, სამხრეთ კორეის დაზვერვის სამსახურმა განაცხადა.

იმავე წყაროს ცნობით, ჩრდილოეთ კორეა დაახლოებით 4 მილიონ ტონა მარცვლეულს; ბრინჯს, ქერი და ხორბალს აწარმოებს, თუმცა აღნიშნული "ბრინჯის მოსავლის" უდიდესი ნაწილი სინამდვილეში კარტოფილია.

"ის 4 მილიონი ტონა მარცვლეული, რომელსაც ჩრდილოეთ კორეა ამტკიცებს, რომ ყოველწლიურად მოჰყავს, რეალურად, 1 ტონით ნაკლებია იმ რაოდენობაზე, რაც მოსახლეობის გამოსაკვებადაა საჭირო. თუ რუსეთი მას 600 000-დან 700 000 ტონამდე ბრინჯს სთავაზობს, ეს საკმარისია იმ რაოდენობის ნახევარზე მეტის დასაფარად, რაც ჩრდილოეთ კორეას წლიური მოთხოვნის დასაკმაყოფილებლად სჭირდება", — თქვა აღნიშნულმა პარლამენტარმა.

მისივე თქმით, მოსკოვისთვის იარაღის მიყიდვა, მათ შორის, საარტილერიო ჭურვების მიყიდვაც, საკვების უკმარისობის კრიზისის მოგვარებას ხელს უწყობს.