ესპანეთში წყალდიდობის შედეგად დაღუპულთა რაოდენობა 158-მდე გაიზარდა, — ინფორმაციას BBC ავრცელებს.

ოფიციალური პირები უგზო-უკვლოდ დაკარგულთა ზუსტ რაოდენობას არ ასახელებენ, მაგრამ აცხადებენ, რომ ბევრი დაკარგულია. გამოცემის ცნობით, მინიმუმ 155 ადამიანის დაღუპვა ვალენსიაში დაფიქსირდა, ორი ადამიანი კასტილა-ლა მანჩაში დაიღუპა, ერთი კი ანდალუზიაში.

სტიქია ვალენსიაში — წყალმა მანქანები წაიღო

სტიქია ვალენსიაში — წყალმა მანქანები წაიღო

ფოტო: Reuters

ფოტო: Reuters

ესპანეთის მეტეოროლოგიური სააგენტო Aemet-ის ცნობით, ვალენსიასთან ახლოს მდებარე ქალაქ ჩივამ მხოლოდ რვა საათში მიიღო ერთი წლის ნალექის ექვივალენტი მიიღო. სამაშველო სამუშაოები გრძელდება და ხელისუფლებამ გუშინ სამაშველო მისიაში 1 200-ზე მეტი თანამშრომელი ჩართო, რომლებიც დრონების დახმარებით მოქმედებენ.

"ამჟამად ყველაზე მნიშვნელოვანი რამ არის რაც შეიძლება მეტი ადამიანის გადარჩენა", — განაცხადა პრემიერ-მინისტრმა, პედრო სანჩესმა.

ესპანეთში გუშინ სამდღიანი გლოვა დაიწყო, სამთავრობო შენობებზე დროშები დაშვებულია.