კატალონიის შინაგან საქმეთა მინისტრმა მედიაში მანამდე გავრცელებული ინფორმაცია მსხვერპლის შესახებ დაადასტურა და განაცხადა, რომ ბოლო ცნობებით ტერაქტს 13 ადამიანი ემსხვერპლა, ამჟამად კი დაშავებულია მინიმუმ 50 ადამიანი. ინფორმაციას გარდიანი ავრცელებს.

დღეს, 17 აგვისტოს, ბარსელონაში, ტურისტებით დატვირთულ ქუჩაზე მოსიარულეებში მიკროავტობუსი შევარდა. ის დიდი სისწრაფით მოძრაობდა და ადამიანებს ეჯახებოდა. მანქანის გაჩერების შემდეგ, მისი მძღოლი ადგილიდან გაიქცა, ხოლო ორი შეიარაღებული კაცი ბარში შევარდა.

ადგილობრივმა პოლიციამ მომხდარი ტერაქტად შეაფასა. სამართალდამცავების ცნობით, მიკროავტობუსი დაქირავებული იყო.

ამ დროისთვის, ეჭვმიტანილებიდან ერთ-ერთი დაპატიმრებულია. გაეცანით განახლებად ინფორმაციას.