სინგაპურის სასამართლომ ბიძინა ივანიშვილისთვის გადასახდელი კომპენსაცია $282 მლნ-ით, $461 მლნ-მდე შეამცირა. ამის შესახებ ინფორმაციას Bloomberg-ი UBS-ზე დაყრდნობით აქვეყნებს. ინფორმაციას bm.ge ავრცელებს.

ცნობისათვის, მიმდინარე წელს 5 ივლისის განაჩენით, ივანიშვილმა UBS-ის საკუთრებაში არსებული Credit Suisse-ის წინააღმდეგ დავა მოიგო.

მილიარდერისთვის კომპენსაციის სახით გადასახდელი თანხის მოცულობა წინა განაჩენით 742.7 მილიონი დოლარით იყო. თუმცა, საბოლოოდ $282 მლნ-ით შეამცირა.

ბიძინა ივანიშვილმა აღნიშნულ განაჩენთან დაკავშირებით განცხადება 21 სექტემბერს ტელეკომპანია იმედთან ინტერვიუში გააკეთა.

როგორც ბიძინა ივანიშვილმა აღნიშნა, სინგაპურში სასამართლო დავის მოგების შემდეგ, მას ამერიკის ელჩთან ჰქონდა კომუნიკაცია და შეხვედრა მოითხოვა. მისივე თქმით, შეხვედრა არჩევნების შემდეგ გაიმართება.

"როდესაც სინგაპურში სასამართლო მოვიგეთ და ამის აღსრულებას ხელი ვეღარ შეუშალა კრედიტ სუისმა, მე მყისიერად, წინა კვირაში უკვე დავურეკე ამერიკის ელჩს, გვქონდა კომუნიკაცია, ვთხოვე შეხვედრა და ვთქვი, რომ ის მიზეზები, რაც იყო, რეალურად თავისით გადაწყდა, შესაბამისად ჩემგან პრობლემა აღარ არის და მე მზად ვარ შესახვედრად. იქიდანაც ძალიან ჯანსაღი რეაქცია იყო, ამის სურვილი არსებობს და ჩვენ არჩევნების შემდგომ ვაპირებთ შეხვედრას", — აღნიშნა პარტიის საპატიო თავმჯდომარემ