ილონ მასკი დემოგრაფიის პრობლემის მოსაგვარებლად, მსურველებს თავის სპერმას სთავაზობს. მას სჯერა, რომ განვითარებულ ქვეყნებში, მათ შორის აშშ-ში შობადობის შემცირებამ შესაძლოა დემოგრაფიული კოლაფსი გამოიწვიოს. მასკის შეფასებით, "ეს არის ყველაზე დიდი პრობლემა, რომელსაც კაცობრიობა აწყდება", თუმცა დემოგრაფები ამბობენ, რომ მისი შიში უსაფუძვლოა. ცნობილია, რომ მსგავსი მოწოდებებით მასკი აქამდეც გამოსულა და არაერთხელ უხუმრია კიდეც და ამბობდა "მე ჩემს საქმეს გავაკეთებ".

ცნობილია, რომ 2024 წლის საპრეზიდენტო არჩევნებში ტეილორ სვიფტმა კამალა ჰარისს გამოუცხადა მხარდაჭერა, რამაც დონალდ ტრამპისა და ილონ მასკის გაღიზიანება გამოიწვია. აღსანიშნავია, რომ სვიფტმა განცხადებას ხელი მოაწერა, როგორც "უშვილო, კატების მოყვარულმა ქალმა" (Childless Cat Lover), რითაც პასუხი გასცა ტრამპის ვიცე-პრეზიდენტობის კანდიდატის, ჯეიდი ვენსის ქალებისკენ მიმართულ სექსისტურ კომენტარს.

მის განცხადებას ილონ მასკი გამოეხმაურა და X-ზე დაწერა:

"კარგი, ტეილორ... გაიმარჯვე... მე შენ შვილს გაჩუქებ და შენს კატებს ჩემი სიცოცხლის სანაცვლოდაც დავიცავ"

ილონ მასკი აგრძელებს ქალების მოძიებას, რომლებსაც მასთან შვილის გაჩენა სურსთ, ზოგჯერ კი თავის სპერმას მეგობრებსა და ნაცნობებს სთავაზობს.