ტერორისტულმა დაჯგუფება ე.წ. ისლამურმა სახელმწიფომ ორლანდოში მომხდარ თავდასხმაზე პასუხისმგებლობა აიღო. ამის შესახებ BBC წერს.

განცხადება ტერორისტების ახალი ამბების სააგენტო Amaq-ზე გამოქვეყნდა, სადაც კლუბზე თავდასხმას ადასტურებენ.

მანამდე პრეზიდენტმა ობამამ განცხადება გააკეთა, რომ გამოძიება მიმდინარეობს და დგინდება ჰქონდა თუ არა ეჭვმიტანილს რაიმე სახის კავშირი, ტერორისტულ დაჯგუფებებთან.

ამ დროისთვის ცნობილია, რომ კლუბ პულსში მომხდარ თავდასხმას 50 ადამიანი ემსხვერპლა, ათობით კი დაშავებულია, მათგან 6 კრიტიკულ სიტუაციაშია. შემთხვევა ამერიკის ისტორიაში ყველაზე სისხლიან შეიარაღებულ თავდასხმად აღიარეს. მომხდარიდან რამდნეიმე საათში დადგინდა, რომ თავდამსხმელი შტატების მოქალაქე ომარ მატეენი იყო.

პოლიციის ოფიცრები სროლიდან 3 საათის შემდეგ შევიდნენ კლუბში და მკვლელის ლიკვიდაცია მოახდინეს. მანამდე მან ცეცხლი გაუხსნა პოლიციასაც. ოპერაციაში სულ ცხრა პოლიციელი მონაწილეობდა, ერთ-ერთი მათგანი დაშავდა და თავისმა ჩაფხუტმა გადაარჩინა.

12 მაისს, გამთენიისას, ფლორიდის შტატში, ორლანდოში, ღამის კლუბს შეიარაღებული პირი თავს დაესხა, იქ მყოფ ხალხს ცეცხლი გაუხსნა და მძევლები აიყვანა.