მალალა იუსაფზაის ცხოვრებაში ძალიან მნიშვნელოვანი ეტაპი იწყება. ის მსოფლიოს ერთ-ერთ წამყვან უნივერსიტეტში, ოქსფორდში, მიიღეს.

"აღტაცებული ვარ, ოქსფორდში ვიწყებ სწავლას! რთული სასწავლო წელი იყო და ყოჩაღ ყველა სტუდენტს, რომელმაც უმაღლეს ქულებზე დაასრულეს სწავლა. მომავალში ყველაფერს საუკეთესოს გისურვებთ", წერს მალალა ტვიტერზე.

20 წლის პაკისტანელი აქტივისტი 5 წლის წინ, თალიბებმა, რომლებიც გოგოებისთვის განათლების მიცემას ეწინააღმდეგებიან, თავში და მხარში დაჭრეს, როდესაც ის სკოლიდან ბრუნდებოდა. ამის შემდეგ, მალალამ მსოფლიოს მასშტაბით გოგოების მხარდაჭერა დაიწყო და აცხადებდა, რომ განათლების მიღება მათი უფლებაა.

ამ ბრძოლაში მსოფლიოს ცნობიერების ამაღლებისთვის მალალამ ნობელის პრემია მიიღო და ის გაეროს მშვიდობის ყველაზე ახალგაზრდა ელჩია.

მალალა ფილოსოფიის, პოლიტიკისა და ეკონომიკის ფაკულტეტზე ისწავლის. ამ ფაკულტეტზე სწავლობდნენ ბილ კლინტონი, დავიდ კამერონი და მსოფლიოს სხვა ლიდერები.

მალალა იუსაფზაის ავტობიოგრაფია ქართულად ბაკურ სულაკაურის გამომცემლობამ თარგმნა და მისი შეძენა გამომცემლობის საიტზევე შეგიძლიათ.

ამავე თემაზე: