ბუნდესტაგის დეპუტატი თომას ჰაკერი თბილისში ჩატარებულ ჩხრეკებს გამოეხმაურა და ხელისუფლება მწვავედ გააკრიტიკა.

"საპარლამენტო არჩევნების წინ ეთო ბუზიაშვილისა და სოფო გელავას მიმართ გამოძიების დაწყების შესახებ ცნობები საგანგაშოა. დეზინფორმაციის წინააღმდეგ ბრძოლა მთავრობის ინტერესი უნდა იყოს. ამის ნაცვლად, სამოქალაქო საზოგადოების წარმომადგენელთა დაშინება მიმდინარეობს. რა სირცხვილია", — წერს X-ზე გერმანიის ბუნდესტაგის დეპუტატი და ევროკავშირის საკითხთა კომიტეტის წევრი თომას ჰაკერი.

დილიდან საქართველოში არაერთი ჩხრეკა ჩატარდა — ფინანსთა სამინისტროს საგამოძიებო სამსახური შევიდა Atlantic Council-ის თანამშრომლების, სოფო გელავასა და ეთო ბუზიაშვილის, ასევე, იუმორისტი ძმების, სანდრო და ონისე ცხადაძეების ბინებში. გაჩხრიკეს ამერიკული კომპანია Concentrix Georgia-ს ოფისიც.