სამთავრობო ტელეარხ "იმედის" დაკვეთით საზოგადოებრივი აზრისა და ბიზნესის კვლევის საერთაშორისო ცენტრის, "გორბის" მიერ ჩატარებული კვლევის თანახმად, კითხვაზე, ხვალ რომ საპარლამენტო არჩევნები ტარდებოდეს, ქართული ოცნება ხმათა 60,2%-ს მიიღებდა.

კითხვაზე, ხვალ რომ საპარლამენტო არჩევნები ტარდებოდეს, ვის მისცემდით ხმას შემდეგი პარტიებიდან, შედეგები ასე გადანაწილდა:

ქართული ოცნება - 60,2%

ერთიანობა - ნაციონალური მოძრაობა - 15,4%

კოალიცია ცვლილებისთვის - 9.0%

ძლიერი საქართველო - 3.3 %

გახარია საქართველოსთვის - 2.9 %

იაგო ხვიჩიას გირჩს - 2.8 %

ლეიბორისტული პარტია - 2.0 %

პატრიოტთა ალიანსი/ალტ ინფოს - 1.9 %

სხვა პარტიები - 2.5 %

ამ მონაცემებით, ხუთ პროცენტიან ბარიერს მხოლოდ სამი პარტია ლახავს.

"გორბიმ" საზოგადოებრივი აზრის კვლევა ქვეყნის მასშტაბით პირისპირი ინტერვიუს მეთოდის გამოყენებით ჩაატარა. საველე სამუშაოები მიმდინარეობდა 12 ოქტომბრიდან 21 ოქტომბრის პერიოდში. გამოიკითხა 1704 ადამიანი. ცდომილების ზღვარი +/- 3 პროცენტია.