დღეს ქართული ოცნების დეპუტატმა, ანტონ ობოლაშვილმა სასტუმრო დაკეტა, "მონოგრაფში" სნაიპერები არიან — ამის შესახებ ტვ პირველი წერს და "მონოგრაფის" სახურავზე მყოფი სნაიპერის ფოტოს აქვეყნებს.

იმავე სასტუმროს აივნიდან, რამდენიმე დღის წინ "ევროპულ მარშზე", საქართველოს პრეზიდენტ სალომე ზურაბიშვილს და სხვა გამომსვლელებს ლაზერს ანათებდნენ.

ტვ პირველი უთხრეს, რომ სასტუმრო მხოლოდ 1-დან 3 საათამდე იმუშავებდა, მიზეზად კი კერძო ღონისძიება დაასახელეს.

ამასთან, სასტუმრომ პასუხი არ გასცა ტელევიზიის კითხვას, უკავშირდებოდა თუ არა სასტუმროს დაკეტვა ოცნების ღონისძიებას და ბიძინა ივანიშვილის უსაფრთხოებისთვის დაიკავებენ თუ არა "მონოგრაფის" აივნებს სნაიპერები.

ცნობისთვის, 20 ოქტომბერს, ოცნების დეპუტატის სასტუმროში გამაგრებული ახალგაზრდები გამომსვლელებს ანათებდნენ ლაზერს, მათ შორის, სალომე ზურაბიშვილსაც.