სწორედ ის საჯარო მოხელეები გამოუტანენ განაჩენს ივანიშვილს, რომლებიც აქციაზე ასე ძალდატანებით მიჰყავთ, — ამის შესახებ გახარია საქართველოსთვის წევრი, თეონა აქუბარდია აცხადებს. მისი თქმით, ივანიშვილი ადმინისტრაციულ რესურსს იყენებს და აშინებს მათ, რომ პარტიულ ღონისძიებებში მონაწილეობა მიიღონ, ეს კიდევ აჩვენებს ნაციონალურ მოძრაობასთან თანხვედრას.

"ადამიანებს დილის 09:00 სთ-დან 19:00სთ-მდე ალოდინებენ იმისთვის, რომ შუშის "ბუტკაში" მყოფ ივანიშვილს მოუსმინონ და ისინიც რომ არ უსმენენ ხოლმე, ესეც არაერთ შეკრებაზე ვნახეთ. ამიტომ, საჯარო მოხელეებისთვის მთავარი საკითხი არის ამ ქვეყნის ნათელი და ევროპული მომავალი. მაშინ, როდესაც ნაციონალური მოძრაობის მსგავსად, ივანიშვილი ადმინისტრაციულ რესურსს იყენებს და აშინებს მათ, რომ პარტიულ ღონისძიებებში მონაწილეობა მიიღონ, ეს კიდევ აჩვენებს „ნაციონალურ მოძრაობასთან“ თანხვედრას. სწორედ ის საჯარო მოხელეები გამოუტანენ განაჩენს ივანიშვილს, რომლებიც ასე ძალდატანებით მიჰყავთ მათ აქციაზე", — განაცხადა აქუბარდიამ.