ქართული ოცნების საპატიო თავმჯდომარე, ბიძინა ივანიშვილი სანქციებს არ ელოდება, — ამის შესახებ მან "იმედის" ეთერში განაცხადა.

ივანიშვილის მოსაზრებით, მის სანქცირებასთან დაკავშირებით, რაც უნდოდათ გააკეთეს, თუმცა არაფერმა არ იმუშავა.

"რაც შეეხება დასჯას და სანქცირებას, რაც გააკეთეს, ამანაც ვერ იმუშავა და ვერც იმუშავებს... იმის იქით კიდევ ველოდები თუ არა? მე პირადად აღარ ველოდები. მე მგონი, რისი გაკეთებაც უნდოდათ, გააკეთეს და ამოწურეს. არ იმუშავა - საზოგადოებას ვეუბნები დარწმუნებით, რამეთუ მთელი დღე ამით ვარ დაკავებული. ქალაქიც კარგად ვიცი, ყველაფერმა ამან უკუშედეგი გამოიღო", — განაცხადა ბიძინა ივანიშვილმა.

შეგახსენებთ, რომ ევროპარლამენტის მიერ საქართველოს შესახებ მიღებულ ერთ-ერთ რეზოლუციაში საუბარია, მათ შორის, ბიძინა ივანიშვილის სანქცირებასა და უვიზო რეჟიმის კრიტერიუმების შესრულების გადახედვაზე.