აშშ უკრაინას 400 მილიონი დოლარის სამხედრო დახმარების პაკეტს გამოუყოფს. ამის შესახებ აშშ-ის თავდაცვის მდივანმა, ლოიდ ოსტინმა კიევში ვიზიტისას განაცხადა.

"ჯო ბაიდენის ხელმძღვანელობით, აშშ განაგრძობს უკრაინისთვის მხარდაჭერის გაძლიერებას. დღეს მინდა, გამოვაცხადო 400 მილიონი დოლარის საპრეზიდენტო დახმარების პაკეტის გამოყოფის შესახებ, რომელიც მიმართულია უკრაინისთვის საბრძოლო მასალების, სამხედრო ტექნიკისა და შეიარაღების უზრუნველყოფისთვის", – აღნიშნა ოსტინმა.

აშშ-ის თავდაცვის მდივანმა, ლოიდ ოსტინმა დღეს, სოციალურ ქსელ X-ზე კიევში მოულოდნელი ვიზიტის შესახებ ინფორმაცია გაავრცელა.

"მეოთხედ ვბრუნდები უკრაინაში როგორც თავდაცვის მდივანი, რათა ვაჩვენო, რომ აშშ, საერთაშორისო თანამეგობრობასთან ერთად უკრაინის მხარდაჭერას აგრძელებს", – წერს ოსტინი.