აშშ-ის თავდაცვის მდივანმა, ლოიდ ოსტინმა დღეს, სოციალურ ქსელ X-ზე კიევში მოულოდნელი ვიზიტის შესახებ ინფორმაცია გაავრცელა.

"მეოთხედ ვბრუნდები უკრაინაში როგორც თავდაცვის მდივანი, რათა ვაჩვენო, რომ აშშ, საერთაშორისო თანამეგობრობასთან ერთად უკრაინის მხარდაჭერას აგრძელებს", – წერს ოსტინი.

აშშ-ის თავდაცვის მდივანი კიევში უკრაინაში აშშ-ის ელჩს, ბრიჯიტ ბრინკის შეხვდა.

The Wall Street Journal-ისა და CNN-ის ინფორმაციით, ოსტინი კიევში იმ მიზეზით ჩავიდა, რომ აშშ-ში დაგეგმილი საპრეზიდენტო არჩევნებიდან გამომდინარე, ნაწილობრივ გაურკვეველია აშშ-ს მხრიდან უკრაინის დახმარების საკითხი, პარალელურად კი, რუსეთი მცირე, მაგრამ სტაბილურ წინსვლას აგრძელებს.

გავრცელებული ინფორმაციით, ოსტინი ვიზიტის ფარგლებში უკრაინის პრეზიდენტს, ვოლოდიმირ ზელენსკისა და უკრაინის თავდაცვის მინისტრს, რუსტემ უმეროვს შეხვდება.