ახალგაზრდული მოძრაობა დაფიონის წევრი, ზვიად ცეცხლაძე წერს, რომ მამამისი სამსახურიდან პოლიტიკური ნიშნით გაათავისუფლეს. მისი თქმით, პროფესიული კავშირების აჭარის რესპუბლიკური გაერთიანებაში დღეს მმართველობის უკანონო მიტაცება მოხდა. მამამისს — პროფესიული კავშირების აჭარის რესპუბლიკური გაერთიანების თავმჯდომარეს, ზურა ცეცხლაძეს არ მისცეს ყრილობის წაყვანის და ოთხი წლის განმავლობაში გაწეული მუშაობის ანგარიშის ჩაბარების უფლება.

ზვიად ცეცხლაძე აცხადებს, რომ მამის სამსახურიდან უკანონო გათავისუფლებას სასამართლოში გაასაჩივრებს.

"მამაჩემი გააგდეს სამსახურიდან უკანონოდ.

აჭარის პროფესიულ კავშირებში დღეს განხორციელდა მმართველობის უკანონო მიტაცება ქოცების ხელდასმული ხალხის მიერ.

თავმჯდომარეს (მამაჩემს) არ მისცეს ყრილობის წაყვანის და 4 წლის განმავლობაში გაწეული მუშაობის ანგარიშის ჩაბარების უფლება. რაც არის უკანონო. ეს აუცილებლად გასაჩივრდება სასამართლოში.

გაგდების საბაბი – ჩემი და მამაჩემის პოლიტიკური მსოფლმხედველობა. მამაჩემმა პროტესტის ნიშნად დატოვა ყრილობა, რაზეც წამოაძახეს, რომ "სამარცხვინო ტაშით გაეცილებინათ", — წერს ზვიად ცეცხლაძე.

ცნობისათვის, ახალგაზრდული მოძრაობა დაფიონი აქტიურად იყო ჩართული რუსული კანონის წინააღმდეგ აქციების ორგანიზებასა და სხვა საპროტესტო აქტივობებში.