მიუხედავად იმისა, რომ გუშინ ინდოეთის პოლიციამ ოთხი ადამიანი სამეფო კარის თამაშების იმ სერიის გავრცელებისთვის დააკავა, რომელიც ეთერში ჯერ არ იყო გასულა.

რამდენიმე საათის წინ, ინტერნეტში GOT-ის მეექვსე სერიაც მოხვდა, ეჭვმიტანილები კი კვლავ Prime Focus-ის თანამშრომლები იყვნენ, თუმცა როგორც მოგვიანებით გაირკვა, სერია HBO-ს ესპანეთის ფილიალმა, შეცდომით დაგეგმილზე ოთხი დღით ადრე გაუშვა.

მიუხედავად იმისა, რომ შეცდომის აღმოჩენიდან ერთ საათში სერიაზე წვდომა შეიზღუდა, ბევრმა ადამიანმა მაინც მოახერხა მისი გადმოწერა და ინტერნეტში ატვირთვა.

აღსანიშნავია, რომ HBO ჰაკერების მუდმივი სამიზნეა. მაგალითად, გასულ კვირას მათ HBO-ს ბაზიდან შოუს რამდენიმე სერია და სცენარები მოიპარეს, ჰაკერები ამბობდნენ, რომ 1,5 ტერაბაიტი ინფორმაცია ჰქონდათ, მათ შორის როგორც იურიდიულ ინფორმაცია, ასევე თანამშრომლობის ხელშეკრულებები და სხვადასხვა სერიალში დაკავებული მსახიობების საკონტაქტო ინფორმაცია.