დღეს, ქართული ოცნების წევრმა, გივი მიქანაძემ პარტიის ოფისში ამართულ ბრიფინგზე განაცხადა, რომ ამომრჩევლებისთვის პირადობების ჩამორთმევის შესახებ გავრცელებული ინფორმაცია სიცრუეა.

მისივე თქმით, ერთიანობა – ნაციონალური მოძრაობის წევრის, თამარ კორძაიას მიერ გავრცელებული ინფორმაცია, რომ წნორის ხანდაზმულთა თავშესაფრის ბენეფიციარებს პირადობის მოწმობები ჩამოართვეს, არ შეესაბამება სიმართლეს.

ამასთან, მან დასძინა, რომ მთავრის მიერ, რუსთავის დასუფთავების სამსახურის თანამშრომლების მიერ გაკეთებული სიუჟეტიც სიცრუეა.

"17 ოქტომბერს თამარ კორძაიამ ბრიფინგზე განაცხადა, თითქოს ქართული ოცნების წარმომადგენლებმა წნორში, მოხუცთა თავშესაფარში 22 მოხუცსა და 9 თანამშრომელს ჩამოართვეს პირადობის მოწმობები და ოფისში წაიღეს. წარმოდგენილი ინფორმაცია სიცრუე რომ არის, ამაზე თავად კორძაიას განცხადება მეტყველებს, რომლის თანახმად [ვციტირებ] „ჩვენ ვიცით თითოეული ამ მოქალაქისა და ამ დანაშაულის ჩამდენი პირების სახელები და გვარები, რომლებსაც დღეს შეგნებულად არ დავასახელებთ“. რეალურად, არანაირი პირადობის ჩამორთმევას ადგილი არ ჰქონია და არის მტკნარი სიცრუე. თუმცა, თამარ კორძაიასგან მსგავსი განცხადება არავისთვის გასაკვირი არ იქნება, რადგან 2020 წლის და 2021 წლის არჩევნებზე იგი სიცრუის ტირაჟირებით იყო დაკავებული, ოპოზიციის ერთ-ერთი მთავარი სპიკერი გახლდათ.

17 ოქტომბერს ტელეკომპანია მთავარმა გაუშვა სიუჟეტი, რომლითაც რუსთავის დასუფთავების სამსახურის თანამშრომლებით მანიპულირებას შეეცადა. სიუჟეტში გაჟღერებული სიყალბე რუსთავში წინასაარჩევნოდ სიტუაციის დაძაბვის მცდელობაა. აღნიშნულთან დაკავშირებით დღეს საგანგებო ბრიფინგი გამართა რუსთავის მერმა, რომლითაც დადასტურდა, რომ სიუჟეტში ასახული ინფორმაცია არის სრული სიყალბე, და მიმართა უწყებათაშორის კომისიას და სადამკვირვებლო მისიებს, რათა დეტალურად შეისწავლონ მომხდარი ფაქტი, რომ წინასაარჩევნოდ ოპოზიციური პარტიული ტელევიზიების მხრიდან ამომრჩეველზე ზეწოლისა და სიცრუის გავრცელების მორიგი ფაქტი აისახოს შესაბამის დასკვნებში“, — განაცხადა მიქანაძემ.

მიქანაძის მტკიცებით, "სიცრუის ნარატივის გავრცელებას ე.წ. ნეიტრალური ადგილობრივი სადამკვირვებლო ორგანიზაციებიც უწყობენ ხელს".

17 ოქტომბერს „ერთიანობა-ნაციონალური მოძრაობის“ წევრმა, თამარ კორძაიამ განაცხადა, რომ „წნორში, ხანდაზმულთა თავშესაფარში, 22 მოხუცსა და 9 თანამშრომელს პირადობის მოწმობები ჩამოართვეს და „ქართული ოცნების“ ოფისში წაიღეს“.

შეგახსენებთ, 17 ოქტომბერს ერთიანობა-ნაციონალური მოძრაობის წევრმა, თამარ კორძაიამ განცხადება გააკეთა, სადაც თქვა, რომ წნორის ხანდაზმულთა თავშესაფარში 22 მოხუცსა და 9 თანამშრომელს პირადობის მოწმობები ჩამოართვეს და ქართული ოცნების ოფისში წაიღეს.

კორზაიამ ისიც თქვა, რომ ამ საქმეში მონაწილე თითოეული პირის სახელი და გვარები იცის.

ამასთან, 17 ოქტომბერს მთავარმა არხმაც გაავრცელა ინფორმაცია, რომ რუსთავში, დასუფთავების სამსახური თანამშრომლები ამბობენ, რომ არჩევნების წინ პირადობის დამადასტურებელ მოწმობებს ართმევენ