მარსელში, ევროპის ჩემპიონატზე, ინგლისი რუსეთის მატჩის შემდეგ მომხდარი დაპირისპირების შედეგად, რამდენიმე ბრიტანელი საავადმყოფოში გადაიყვანეს. ამის შესახებ BBC წერს, ბრიტანეთის ელჩზე დაყრდნობით.

მატჩის შემდეგ, ინგლისისა და რუსეთის ფანები დაუპირისპირდნენ ერთმანეთს. საფრანგეთის პოლიციის განცხადებით, ერთ-ერთი ბრიტანელი მძიმედაა დაშავებული.

თვითმხილველის თქმით, ყველაფერი იმით დაიწყო რომ რუსეთის გულშემატკივრებმა ბარიერები გადაკვეთეს, ინგლისელების ტრიბუნაზე შეიჭრნენ და ნივთებს ისროდნენ.

ინგლისის ერთ-ერთმა გულშემატკივარმა BBC-სთან საუბარში განაცხადა, რომ როგორც კი რუსეთის გოლი გავიდა, რუსი ფანების ნაკადი მათკენ წავიდა.

ევრო 2016

ევრო 2016

რუსეთისა და ინგლისის ფანების დაპირისპირება.

ფოტო: AP

BBC სპორტის რედაქტორის დენ ლოანის თქმით, ინგლისის გულშემატკივრების ნაწილმა გაქცევა შეძლო.

ფანებს შორის დაპირისპირება ქალაქის ქუჩებშიც გაგრძელდა. პოლიციამ სიტუაციის სამართავად ცრემლსადენი გაზი გამოიყენა.

ინგლისისა და რუსეთის მატჩი ფრედ 1-1 დასრულდა.