ისრაელი ირანის ბირთვულ და ნავთობის ობიექტებზე იერიშს არ მიიტანს, – ამის შესახებ ისრაელის პრემიერ-მინისტრმა, ბენიამინ ნეთანიაჰუმ აშშ-ის პრეზიდენტს, ჯო ბაიდენს განუცხადა. ინფორმაციას The Times of Israel ავრცელებს.

გამოცემა წერს, რომ 8 ოქტომბერს ისრაელის გეგმების გაცნობისას, ნეთანიაჰუმ ბაიდენს უთხრა, რომ ისრაელი გეგმავს შეზღუდოს თავისი თავდასხმა ირანზე.

მანამდე ისრაელი თავდასხმას გეგმავდა ირანის ნავთობის და ბირთვულ ობიექტებზე, რასაც შეიძლება გამოეწვია ნავთობზე ფასის ზრდა და ბრძოლის გაფართოება.