15 ოქტომბრის ღამეს რუსეთმა სარაკეტო იერიში მიიტანა ქალაქ ნიკოლაევზე, — ინფორმაციას უკრაინული მედია ავრცელებს.

დაბომბვის შედეგად დაიღუპა ერთი ქალი, დაშავდა 16 ადამიანი. დაზიანებულია ინფრასტრუქტურა, სარესტორნო კომპლექსი, საცხოვრებელი სახლები და ავტომობილები.

"დაახლოებით 2:30 საათზე მტერმა სავარაუდოდ C-300 ტიპის რაკეტებით ქალაქზე იერიში მიიტანა. მეხანძრეები ხანძრის ლიკვიდაციაზე მუშაობენ". — წერს ნიკოლაევის ოლქის სამხედრო ადმინისტრაციის მეთაური ვიტალი კიმი.

გარდა ამისა, კიმის თქმით საჰაერო თავდაცვის ძალებმა ნიკოლაევის ოლქში 15 ოქტომბრის ღამეს 3 უპილოტო საფრენი აპარატი გაანადგურეს.

რუსეთი უკრაინის ტერიტორიას ავიაციითა და არტილერიით ყოველდღიურად ბომბავს.