Reuter-ის ინფორმაციით, ჩრდილოეთ კორეის გენერალურმა შტაბმა სამხრეთ კორეის საზღვართან განლაგებული სამხედრო არტილერია საბრძოლო მზადყოფნაში გაიყვანა.

11 ოქტომბერს სამხრეთ კორეის საჰაერო სივრცეში ჩრდილოეთ კორეის უპილოტო საფრენი აპარატები შეფრინდნენ.

გამოცემა წერს, რომ სამხრეთ კორეელმა აქტივისტებმა, რამდენიმე დღის წინ, დრონების გამოყენებით პირველადი დახმარების ამანათები გააგზავნეს ჩრდილოეთ კორეაში. ამანათებთან ერთად კიმ ჩენ ინის გამაკრიტიკებელი ფლაერებიც გააგზავნეს.

ჩრდილოეთ კორეამ გზავნილები სამხრეთ კორეის არმიას დააბრალა, საპასუხოდ კი, საფრენი აპარატების საშუალებით, რამდენჯერმე გაუშვა ნაგვის სავსე ბუშტები.

ჩრდილოეთ კორეის საინფორმაციო სააგენტო KCNA ქვეყნის თავდაცვის სამინისტროს სპიკერის განცხადებას აქვეყნებს, სადაც ამბობს, რომ კიდევ უფრო მეტი უპილოტო საფრენი აპარატი გამოჩნდება დედაქალაქის თავზე, ხოლო ამისთვის აუცილებელია, რომ თავდაცვის ძალები პოტენციური სამხედრო ესკალაციის სრულ მზადყოფნაში იყვნენ.

კიმ ჩენ ინის და, კიმ იო ჩენი სეულს "შემზარავი კატასტროფითაც" დაემუქრა და დასძინა, რომ დამნაშავე სამხრეთ კორეის არმიაა, რომელმაც არასამთავრობო ორგანიზაციების მიერ ფხენიანის მიმართულებით გაშვებული დრონების დროული იდენტიფიკაცია ვერ შეძლო.