შინაგან საქმეთა სამინისტრო ავრცელებს ინფორმაციას, სადაც იუწყება რომ მათ ოფიციალურ გვერდზე მოქალაქეები იწერებიან, რომ შსს-ს სახელით გაურკვეველი შინაარსის შეტყობინება მიიღეს.

"მოქალაქეების ინფორმირების მიზნით გვსურს განვმარტოთ, რომ არანაირი შეტყობინება არ არის დაგზავნილი შინაგან საქმეთა სამინისტროს მხრიდან და მოქალაქეებს მოვუწოდებთ არ შევიდნენ შეცდომაში.

ასევე, განვმარტავთ, რომ აღნიშნული ფაქტი შესწავლილი იქნება შინაგან საქმეთა სამინისტროს შესაბამისი სამსახურის მიერ", — ვკითხულობთ შსს-ს განცხადებაში.