ჩრდილოეთ კორეის ადგილობრივი მედიის ცნობით, დიქტატორული რეჟიმის ლიდერი, კიმ ჩენ ინი, ამერიკის კუნძულ გუამზე თავდასხმის გეგმას გაეცნო და მზადყოფნას აცხადებს, თუმცა გადაწყვეტილების მიღებას არ ჩქარობს და ამერიკისგან კონკრეტულ ნაბიჯებს ელოდება. ინფორმაციას BBC ავრცელებს.

"მზად ვართ გუამი ცეცხლმა მოიცვას, თუმცა ჯერ ვნახავთ, რას აპირებენ იდიოტი იანკები [ამერიკელები]" - იუწყება ჩრდილოეთ კორეა.

გასულ კვირას, ჩრდილოეთ კორეა ამერიკას თავდასხმით დაემუქრა. მანამდე ტრამპმა ტვიტერიდან კიმ ჩენ ინს მოუწოდა, ბალისტიკური რაკეტის გამოცდები შეეწყვიტა, თორემ ჩრდილოეთ კორეა "ცეცხლსა და მრისხანებას მიიღებდა".

ფოტო: Reuters

ჩრდილოეთ კორეიდან გაჟღერებული მუქარის შემდეგ, მხარეები ერთმანეთს სხვადასხვა სახის მუქარებს უგზავნიდნენ, ჩრდილოეთ კორეის ეს ბოლო განცხადება, ამერიკის ქმედებების დალოდებაზე, ამ "სიტყვების ომს" დროებით აჩერებს.