"ამაში თანხები მიიღეს, უფასოდ კი არავის გაუკეთებია ეს, კაი ხელფასები ჩაიჯიბეს, ალბათ. ეს იყო დაკვეთა, რა ვიცი, ძალიან კარგი კლიპი გამოვიდა", — ასე ეხმაურება კახა კალაძე JWT METRO-ს თანამშრომლების მიერ სამსახურის პროტესტის ნიშნით დატოვებას. მისი თქმით, უამრავი ნიჭიერი, გონიერი ახალგაზრდაა ქვეყანაში, ვინც მივა და ამ კომპანიაში იმუშავებს.

"უამრავი ნიჭიერი, გონიერი ახალგაზრდაა ქვეყანაში, ვინც მივა ამ კომპანიაში, გააკეთებს და გააგრძელებს მუშაობას. საერთოდ ვერ ვხედავ ამაში პრობლემას, ვიღაცას უნდა დარჩენა, ვიღაცას არ უნდა, მისი ნებაა, სადაც უნდა წავიდეს — მარჯვნივაც მიდის გზა, მარცხნივაც მიდის, სადაც უნდა აირჩიოს", — განაცხადა კალაძემ.

შეგახსენებთ, რომ 10 ოქტომბერს, JWT Metro-ს დამფუძნებელმა, ნიკა ბოჭორიშვილმა დაწერა, რომ ქართული ოცნების წინასაარჩევნო კლიპი მისი გადაღებულია და მასთან ერთად ფრილანსერებმა იმუშავეს. ამის შემდეგაც სააგენტოს თანამშრომლებმა სამსახურის დატოვების გადაწყვეტილება მიიღეს.