გარემოს დაცვის სამინისტრო აცხადებს, რომ ამალი-დევდორაკის ხეობაში ღვარცოფული პროცესების გააქტიურების გამო, მცხეთა-სტეფანწმინდა ლარსის საავტომობილო გზის 134-135 კმ მონაკვეთზე, ყველა სახის ავტოტრანსპორტის მოძრაობა აიკრძალა.

ევაკუაცია განხორციელდა საავტომობილო გზის სახიფათო მონაკვეთიდან და სასაზღვრო-გამშვებ პუნქტ ყაზბეგიდამ.

უწყება განმარტავს, რომ ხეობაში დამონტაჟებულმა წინასწარი შეტყობინების სისტემამ, მყინვარის ინტენსიური დნობის შედეგად წარმოქმნილი ღვარცოფული ნაკადის თაობაზე ავტომატური განგაშის სიგნალი შესაბამის უწყებებს გადასცა.

გარემოს დაცვის სამინისტროს ცნობით, სტიქიურ პროცესზე დაკვირვება გრძელდება. ხოლო, საავტომობილო გზაზე მოძრაობა სპეციალისტების დასკვნის შესაბამისად, რისკის შემცირების შემდეგ აღდგება.