აშშ-ს პრეზიდენტმა ჯო ბაიდენმა და ისრაელის პრემიერმინისტრმა ბენიამინ ნეთანიაჰუმ სატელეფონო საუბარი გამართეს, განიხილეს ირანის წინააღმდეგ ისრაელის საპასუხო დარტყმების გეგმები — ამის შესახებ გამოცემა Axios წერს.

თეთრი სახლის ინფორმაციით, სატელეფონო საუბარში ვიცეპრეზიდენტი კამალა ჰარისიც ჩაერთო. ისრაელის პრემიერის ცნობით, ზარის ხანგრძლივობა 45 წუთი იყო.

New York Times-ის მიხედვით, არ არის მოლოდინები იმის შესახებ, რომ ისრაელი ირანის წინააღმდეგ საპასუხო დარტყმების ფარგლებში იერიშს მიიტანს ირანის ბირთვულ ობიექტებზე.

ამას გარდა, გამოცემასთან მაღალჩინოსნები ანონიმურად აცხადებენ, რომ ბირთვული ობიექტების ნაცვლად ისრაელის სამიზნე, დიდი ალბათობით, ირანის სამხედრო ბაზები, ან სადაზვერვო, სამმართველო ობიექტები იქნება.

იმავე წყარო თქმით, ირანის ბირთვული პროგრამა შესაძლოა, ისრაელმა მიზანში იმ შემთხვევაში ამოიღოს, თუკი ირანი ისრაელის დარტყმებზე პასუხს გასცემს.