2024 წლის, 1 ოქრომბერს, სოკარმა ავტოინდუსტრიის წამყვანი კომპანიების წარმომადგენლებს ნავთობბაზაზე უმასპინძლა.

ღონისძიებაზე მოწვეული სტუმრებისთვის ჩატარდა პრეზენტაცია, სადაც მათ მოისმინეს სოკარ ჯორჯია პეტროლეუმის ისტორია, მიღწევები და სამომავლო გეგმები.

ნავთობბაზის დათვალიერების პარალელურად, ტურის მიმდინარეობისას, გაეცნენ საწვავის ხარისხს და მიიღეს დეტალური ინფორმაცია, თუ რა გზას გადის ის საქართველოში შემოსვლიდან მომხმარებლის ავტომობილის ავზში მოხვედრამდე. აღსანიშნია, რომ სოკარის საწვავი ნანო დანამატით არის წარმოდგენილი, რომელსაც უმსხვილესი გერმანული კომპანია BASF-SE ამზადებს.

ფოტო: სოკარი

ამასთანავე, მნიშვნელოვანი ყურადღება დაეთმო უსაფრთხოების სტანდარტებისა და ნორმების გაცნობას, რომელსაც სოკარ ჯორჯია პეტროლეუმი უკვე მრავალი წელია ზედმიწევნით მიჰყვება.

ფოტო: სოკარი

გარდა ამისა, სტუმრებს შესაძლებლობა მიეცათ თავადვე დაეთვალიერებინათ ნავთობბაზის უახლესი სტანდარტებით აღჭურვილი ლაბორატორია, სადაც სისტემატურად მიმდინარეობს საწვავის ხარისხის კონტროლი, რაც მნიშვნელოვნად გამოარჩევს სოკარ ჯორჯია პეტროლეუმს სხვა კომპანიებისგან.

ფოტო: სოკარი

საქართველოს ყველა რეგიონში სოკარი მომხმარებელს სთავაზობს თანამედროვე ტექნიკით აღჭურვილ ავტოგასამართ სადგურებს, მომსახურების მაღალ სტანდარტს და უმაღლესი ხარისხის ევროპულ საწვავს.