ინდოეთის საგარეო საქმეთა მინისტრი, სუბრაჰმანიამ ჯაიშანკარი, შანხაის თანამშრომლობის ორგანიზაციის (SCO) შეხვედრის ფარგლებში ოქტომბერში პაკისტანს ესტუმრება.

ეს 2015 წლის შემდეგ პაკისტანში გამართული მაღალი რანგის პირველი შეხვედრა იქნება, რომელშიც მონაწილეობას ინდოელი მინისტრი მიიღებს.

გასულ წელს ანალოგიურ შეხვედრას ინდოეთში 2011 წლის შემდეგ პირველად დაესწრო პაკისტანის საგარეო საქმეთა მინისტრიც.

1947 წლის შემდეგ ორი ბირთვული სახელმწიფო ერთმანეთს 3-ჯერ ეომა. 2 ომის მიზეზი ქაშმირის რეგიონი გახდა.

SCO პოლიტიკური კავშირია, რომელიც ცენტრალური აზიის უსაფრთხოებისა და ეკონომიკური საკითხების მოსაგვარებლად 2001 წელს შეიქმნა. დამფუძნებელი წევრები ცენტრალური აზიის 4 სახელმწიფოსთან ერთად რუსეთი და ჩინეთი იყვნენ.

ინდოეთი და პაკისტანი ორგანიზაციას 2017 წელს შეუერთდნენ.