ჰეზბოლას მეთაურს, ჰასან ნასრალას, რომელიც 27 სექტემბერს ისრაელის თავდასხმის შედეგად იქნა მოკლული, დროებითი გასაიდუმლოებულ ადგილას დაკრძალეს. ამის შესახებ News agency AFP წერს.

"ჰასან ნასრალა იქნება დროებით სასაფლაოზე დაკრძალული, ვიდრე იქნება ხელსაყრელი გარემოება საჯარო დაკრძალვის ცერემონიალის ჩასატარებლად”, — განაცხადა წყარომ.

ჰეზბოლას ჯერჯერობით არ გაუსაჯაროებია ნასრალას დაკრძალვასთან დაკავშირებული გეგმები. ურთიერთგამომრიცხავი ცნობები ვრცელდება — მისი საბოლოო დასასვენებელი ადგილი შეიძლება ლიბანში ან ერაყში იყოს.

ერაყის პრემიერ-მინისტრის, მუჰამედ შია ალ სუდანის მრჩეველმა — აბდულ ამირ ალ თეიბანმა სოციალურ ქსელ X-ზე დაწერა, რომ ნასრალას იმამ ჰუსეინის გვერდით, კაბალაში დაკრძალავენ. ამ ადგილს უდიდესი მნიშვნელობა აქვს შიიტური მუსლიმური თემისთვის.

ჰასან ნასრალას სიმბოლური გასვენება პარასკევს იგეგმება. წინა პარასკევს, თეირანში ირანის სულიერმა ლიდერმა ხამენეიმ ჰასან ნასრალას გარდაცვალებისადმი მიძღვნილი სამგლოვიარო რიტუალი ჩაატარა.

64 წლის ჰეზბოლას ლიდერი ჰასან ნასრალა გასულ კვირას ბეირუთში, ისრაელის მიერ განხორციელებულ თავდასხმისას, დაიღუპა.