რუსეთის საგარეო საქმეთა მინისტრმა სერგეი ლავროვმა ოკუპირებული აფხაზეთის ე.წ. რესპუბლიკის საგარეო საქმეთა სამინისტროს ხელმძღვანელთან სერგეი შამბასთან შეხვედრისას გამარჯვებისა და დამოუკიდებლობის დღე მიულოცა, რომელიც სოხუმში 30 სექტემბერს აღინიშნება.

"ჩვენ გავაგრძელებთ აფხაზეთის დახმარებას სოციალურ-ეკონომიკურ განვითარებაში [...] ჩვენ გავაგრძელებთ თანამშრომლობას შეთანხმებების შესაბამისად, უსაფრთხოების უზრუნველყოფისა და აფხაზეთის რესპუბლიკის საერთაშორისო პოზიციების განმტკიცების კუთხით", — განაცხადა მან.

აფხაზეთის პარლამენტის მიერ "ეკონომიკურ საქმეებში სასამართლო არბიტრაჟის გადაწყვეტილებების აღიარებისა და აღსრულების შესახებ" შეთანხმების რატიფიცირებაზე საუბრისას, ლავროვმა იმედი გამოთქვა, რომ დანარჩენ დოკუმენტების პროექტებზეც ოპერატიულად მოხდება შეთანხმება.

შეგახსენებთ, რომ მოსკოვმა საკამათო კანონპროექტების დამტკიცების მოთხოვნით აფხაზეთს ბიუჯეტის დაფინანსება შეუჩერა.