დღეს, 12 აგვისტოს თბილისში, ბარათაშვილის ხიდთან ავტოსაგზაო შემთხვევა მოხდა - #23 ყვითელი ავტობუსი და მსუბუქი ავტომობილი ერთმანეთს შეეჯახა. შინაგან საქმეთა სამინისტროში On.ge-ის უთხრეს, რომ სულ დაშავებულია სამი ადამიანი, აქედან მერსედესის მარკის ავტომობილის ორი, ერთი კი ავტობუსის მგზავრი. უწყების ცნობით, სამივე დაშავებული საავადმყოფოში გადაიყვანეს.

საქმეზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.