2024 წლის 1 ოქტომბერს ჩრდილოატლანტიკური ხელშეკრულების ორგანიზაციის ახალი გენერალური მდივანი, მარკ რუტე, მუშაობას ოფიციალურად შეუდგა. ის მიმდინარე წლის 26 ივნისს ჩრდილოატლანტიკურმა საბჭომ აირჩია.

მარკ რუტე ლიბერალი პოლიტიკოსია, რომელიც 2010-2024 წლებში ნიდერლანდების პრემიერ-მინისტრის თანამდებობას იკავებდა. მან პოსტზე იენს სტოლტენბერგი ჩაანაცვლა, რომელიც NATO-ს გენერალური მდივანი გასული 10 წლის განმავლობაში იყო.

ახალი გენერალური მდივნის მიმართ დიდი მოლოდინები არსებობს, განსაკუთრებით აღმოსავლეთ ევროპასა და ახლო აღმოსავლეთში მიმდინარე კონფლიქტების გათვალისწინებით.