იმედი მაქვს უკვე ნახეთ სამეფო კარის თამაშების მეშვიდე სეზონის მეოთხე სერია.

The Spoils of War შოუს ახალ სეზონში ერთ-ერთი გარდამტეხი სერია აღმოჩდა, რომელსაც მთელი მსოფლიოს მასშტაბით რამდენიმე ათეულმა მილიონმა ადამიანმა უყურა.

შოუს შემქმნელებმა უკვე ისაუბრეს იმაზე, თუ როგორ იღებდნენ სერიალის ერთ-ერთ ყველაზე მასშტაბურ და სანახაობრივ ეპიზოდს, გაგვიმხილეს ისიც, რომ რამდენიმე წუთიანი ეპიზოდის გადასაღებად მათ რამდენიმე კვირა დასჭირდათ.

ბევრ შრომას უკვალოდ ნამდვილად არ ჩაუვლია და GOT-ის ამ სერიას, HBO-ს პირდაპირ ეთერში, სერიალის ისტორიაში ყველაზე მეტმა ადამიანმა უყურა.

ჯერომ ფლინი, რომელიც სერიალში ბრონის როლს ასრულებს, ერთ-ერთ ინტერვიუში ამბობს, რომ The Spoils of War-ის ეთერში გასვლის შემდეგ ის ძალიან ბევრმა ადამიანმა შეიძულა.

"ამ სცენის გადაღებაზე რამდენიმე კვირა ვიმუშავეთ და ყურების დროს ერთ ადგილზე მაინც ვერ ვჩერდებოდი. სერიის ეთერში გასვლის შემდეგ, რასაკვირველია, ნაკლებ პოპულარული გავხდი და ძალიან ბევრმა ადამიანმა შემიძულა, მათ შორის არის ჩემი ფოსტალიონიც, რომელიც ხმას იმის გამო აღარ მცემს, რომ დრაკონს ვესროლე", ამბობს ჯერომ ფლინი.

აქვე წაიკითხეთ: