ცოტა ხნის წინ, Fox-მა დაადასტურა, რომ ლეგენდარული სერიალი The X-Files, მეთერთმეტე სეზონით ეთერში 2018 წელს დაბრუნდება.

როგორც Fox-ის პრეზიდენტი დეივიდ მადენი ამბობს, ახალი სეზონი კიდევ უფრო საინტერესო და დამაინტრიგებელი იქნება.

"ყველამ ვიცით, რომ საქმე ლეგენდარული პერსონაჟებთან და სერიალთან გვაქვს, საინტერესო ამბავი და გამბედავი შემქმნელები ამ დიდებული სატელევიზიო შოუს ნიშაა და დამიჯერეთ, ახალი სეზონიდან უამრავ მიზეზს მოგცემთ, რომ ეს შოუ უფრო შეგიყვარდეთ. მეც თქვენსავით ველი შემდეგ სეზონს, მაინტერესებს რა ახალი საიდუმლოებებით დაბრუნდებიან მალდერი და სკალი ", ამბობს Fox-ის პრეზიდენტი დეივიდ მადენი.

შოუს პოპულარობის პიკი 1990-იანი წლების ბოლოს იყო, გარდა ტელესერიალისა, 1998 წელს გამოვიდა სრულმეტრაჟიანი ფილმი საიდუმლო მასალები, ხოლო 2008 წელს - მისი გაგრძელება. შოუ ახალი სეზონით 2016 წელს დაბრუნდა და საკმაოდ წარმატებულადაც, პრემიერას 16 მილიონზე მეტმა ადამიანმა უყურა.

ახალი სეზონის გადაღებები ვანკუვერში მიმდინარეობს.