უკვდავების გადაძახილი — ასე ეწოდება აქციას, რომელსაც აფხაზთა კრება, გმირთა მემორიალთან, 26 სექტემბერს, 20:00 საათზე გამართავს.

აქციაზე გმირთა მემორიალთან, სამშობლოსთვის თავდადებულთა პიროვნულად მოხსენება და ომებში დაღუპულ გმირთა სიის წაკითხვა იგეგმება.

"უკვდავების გადაძახილი არის ტრადიცია, რომელსაც საფუძველი ჩაეყარა 2014 წლის 26 სექტემბერს, იმ გმირების მოსახსენიებლად, რომლებმაც თავი გაწირეს რუსეთ-საქართველოს ომებში ჩვენი ქვეყნის თავისუფლებისათვის. შემოგვიერთდით რათა ერთად გავაგრძელოთ ტრადიცია, რომელიც ეძღვნება საქართველოს დამოუკიდებლობისა და თავისუფლებისათვის დაღუპულ გმირთა სახელების უკვდავყოფას! დიდება გმირებს”, — წერენ აქციის ორგანიზატორები.