ისტორიასა და ფოტოგრაფიას ყოველთვის ბევრი რამ აკავშირებდათ, თუმცა იმის პროგნოზირება, თუ რომელი ფოტო დარჩება ისტორიის მდიდარ გობელენში, შეიძლება რთული იყოს. ზოგიერთი ფოტო გადაღების წამიდანვე აღიქმება როგორც რაღაც მნიშვნელოვანი, რაც საუკუნეების განმავლობაში დარჩება, ზოგიერთი კი თავისი დიდების მწვერვალს ნელ-ნელა აღწევს.

ქვემოთ წარმოდგენილი ფოტოები კარგად გადმოსცემს იმას, თუ რამხელა ძალა აქვს ფოტოგრაფიას. თუ როგორ გახდა შესაძლებელი კადრებად აღბეჭდილიყო ის მნიშვნელოვანი წამები, რომლებმაც ფაქტობრივად მსოფლიო შეცვალეს.

1. კოცნა

ფოტო: Phlearn

ფოტო გადაღებულია ალფრედ ეიზენშტადტის მიერ ნიუ-იორკში, 1945 წლის 14 აგვისტოს. ეს ფოტო აღწერს საკულტო მომენტს, როდესაც აშშ-ს საზღვაო ძალების მეზღვაურმა Times Square-ზე უცნობ გოგონას აკოცა. იგი ქუჩის ფოტოგრაფიის შესანიშნავ მაგალითს წარმოადგენს.

2. მიგრანტი დედა

ფოტო: Phlearn

დიდი დეპრესიის დროს, ფოტოგრაფმა დოროთეა ლანგმა საზოგადოების ყურადღება თავისი ნამუშევრებით მიიპყრო, რომელთა მეშვეობითაც იმ ტანჯვას ასახავდა, რასაც ამერიკის ქუჩებში ხედავდა. გადასახლების ადმინისტრაციაში ფოტოგრაფად მუშაობის შემდეგ, სააგენტო New Deal-მა მას ღარიბი ოჯახების ყოველდღიური ცხოვრების ფოტოზე ასახვა დაავალა.

ლანგმა ექვსი სურათი გადაიღო. ერთ-ერთი მათგანი, "მიგრანტი დედა" დიდი დეპრესიის საკულტო და მე-20 საუკუნის ერთ-ერთი ყველაზე ცნობილი ფოტო გახდა.

3. ადამიანი მთვარეზე

ფოტო: Phlearn

ფოტო გადაღებულია 1969 წლის 20 ივნისს, ნილ ამსტრონგის მიერ და გვიჩვენებს ასტრონავტ ბაზ ოლდრინს, როდესაც ის პირველ ნაბიჯებს ადგამს მთვარის ზედაპირზე.

4. დროშის აღმართვა ივო ძიმაზე

ფოტო: Phlearn

ფოტო ჯო როზენთალის ეკუთვნის, სადაც 6 საზღვაო ქვეითი ღმართავს ამერიკულ დროშას სურიბაჩის მთაზე ივო ძიმას ბრძოლისას, მათგან 3 დროშის აღმართვის შემდგომ დღეებში ბრძოლის დამთავრებამდე დაიღუპა.

5. ავღანელი გოგონა

ფოტო: Phlearn

ავღანელი გოგონა, რომელიც ყველასთვის ცნობილია თავისი მრავლისმთქმელი მზერითა და მწვანე თვალებით, დასავლეთ სამყაროში ლტოლვილი ქალების ბრძოლის სიმბოლოდ იქცა. ფოტო გადაღებულია 1985 წელს National Georgaphic-ის ფოტოგრაფის, სტივ მაკკარის მიერ ავღანეთის საბჭოთა ოკუპაციის დროს.