პარტია "გახარია საქართველოსთვის" და კოალიცია "ძლიერი საქართველოს" წარმომადგენლები პრეზიდენტის შეთავაზებას იღებენ და ადმინისტრაციაში ერთმანეთთან შესახვედრად ხვალ, 17 სექტემბერს მივლენ.

საქართველოს პრეზიდენტმა, სალომე ზურაბიშვილმა, ორბელიანების სასახლეში გამართულ შეხვედრაზე "ძლიერ საქართველოსა" და "გახარია საქართველოსთვის" გაერთიანებისკენ მოუწოდა.

პრეზიდენტის თქმით, მათი გაერთიანების ნაბიჯი დაარწმუნებს ამომრჩეველს, რომ პოლიტიკურ პარტიებს შეუძლიათ, რომ ქვეყნის გადარჩენის გულისთვის ბევრი რამ დათმონ და მნიშვნელოვანი როლი ითამაშონ ევროპული მომავლის გადასარჩენად.

"გადაწყვეტილება ორი პროევროპული ძალის ("ძლიერი საქართველოს" და "გახარია საქართველოსთვის") ხელშია. ვიმედოვნებ, რომ ქვეყნის ესოდენ მნიშვნელოვან მომენტში შეძლებენ გადადგან ის ნაბიჯი, რომელიც ამომრჩეველს მეტ სიცხადეს, მეტ გარკვეულობას და მეტი ძალის განცდას მისცემს.

ჩვენ მზად ვართ ყველაფერი გავაკეთოთ ქვეყნის ევროპული განვითარებისთვის და ამისთვის გვერდზე გადავდოთ ყველა პიროვნული საკითხი... დღეს დილით მე გამოვთქვი მზადყოფნა, ვისაუბრო გიორგი გახარიასთან ამ თემაზე თუ ეს ქვეყანას გამარჯვებას მოუტანს", — აცხადებს მამუკა ხაზარაძე.

მოლაპარაკებების გამართვის მზაობა გიორგი გახარიას პარტიამაც გამოხატა.