სომხეთის რესპუბლიკის პრემიერმინისტრი ნიკოლ ფაშინიანი, ხვალ, საქართველოს ოფიციალური ვიზიტით ეწვევა, — ამის შესახებ ინფორმაციას მთავრობის ადმინისტრაცია ავრცელებს.

ნიკოლ ფაშინიანს პრემიერმინისტრი, ირაკლი კობახიძე უმასპინძლებს. შეხვედრის შემდეგ ისინი მედიისთვის ერთობლივ განცხადებას გააკეთებენ.

"საქართველოს 16 სექტემბერს ოფიციალური ვიზიტით სომხეთის რესპუბლიკის პრემიერმინისტრი ნიკოლ ფაშინიანი ეწვევა.

საქართველოს მთავრობის ადმინისტრაციაში 14:00 საათზე სომხეთის პრემიერმინისტრის დახვედრის ოფიციალური ცერემონია გაიმართება.

სომეხ კოლეგას საქართველოს პრემიერმინისტრი ირაკლი კობახიძე უმასპინძლებს.
გაიმართება შეხვედრები პირისპირ და გაფართოებულ ფორმატში, რის შემდეგაც, ირაკლი კობახიძე და ნიკოლ ფაშინიანი მედიისთვის ერთობლივ განცხადებებს გააკეთებენ," — წერია განცხადებაში.