"არა კრემლის დიქტატს" — ახალგაზრდული მოძრაობა დაფიონმა ბიძინა ივანიშვილის დღევანდელი განცხადების პასუხად, ხვალ, 15 სექტემბერს, 19 საათიდან, პარლამენტთან აქცია დააანონსა.

"დღეს ბიძინა ივანიშვილმა განაცხადა, რომ საქართველო იყო დამნაშავე 2008 წლის ომში და საქართველო დაესხა ოს ხალხს თავს. ამით მან ქართველი მებრძოლი გმირები გაუთანაბრა ტერორისტებს და ოსი ხალხი გენოციდში დასდო ბრალი!
მან ასევე განაცხადა, რომ საქართველომ ბოდიში უნდა მოუხადოს ოს და აფსუა სეპარატისტებს.

ეს არის საქართველოსა და მისი გმირების შეურაცხყოფა! სულში ჩაფურთხება!
ხვალ, 15 სექტემბერს, 19:00- დან ვიკრიბებით პარლამენტთან. კოლაბორანტებს პასუხი უნდა გაეცეთ!" — წერს მოძრაობა.

ცნობისთვის, ქართული ოცნების საპატიო თავმჯდომარე, ბიძინა ივანიშვილმა გორში, საარჩევნო კამპანიის ფარგლებში გამართულ რეგიონულ ღონისძიებაზე სიტყვით გამოსვლისას განაცხადა, რომ 26 ოქტომბრის არჩევნების დასრულების შემდეგ, როცა "ომის გამჩაღებლები გასამართლდებიან", ბოდიში უნდა მოვიხადოთ იმის გამო, რომ "მოღალატე ნაციონალურმა მოძრაობამ" 2008 წელს ცეცხლის ალში გახვია ჩვენი ოსი დები და ძმები".