ებრაული ბიბლია, რომელიც ცნობილმა რაბინმა მე-14 საუკუნეში ესპანეთში დაწერა, იშვიათ ეგზემპლარს წარმოადგენს. იგი ერთდროულად სამ განსხვავებულ ებრაულ, ქრისტიანულ და ისლამურ მხატვრულ ტრადიციებს აერთიანებს. როგორც ცნობილია, ბიბლია აუქციონზე $7 მილიონად გაიყიდება, შემდეგ კი საჯაროდ გამოიფინება.

რაბინი, რომელმაც აღნიშნული ბიბლია ჩრდილოეთ ესპანეთის ქალაქ სორიაში 1312 წელს დაწერა, უამრავ ომსა და აჯანყებას გადაურჩა იერუსალიმში, ბაღდადში, ტრიპოლში, მისი გადარჩენა შეიძლება სასწაულებრივიც კი იყოს.

შერონ ლიბერმან მინცმა, იუდაიკის საერთაშორისო სპეციალისტმა წიგნებისა და ხელნაწერების საკითხებში, თქვა, რომ 800-გვერდიანი ბიბლია ერთდროულად მეცნიერების, მისტიკისა და სამი კულტურის ნაზავია და ეს მას უნიკალურს ხდის.

ფოტო: The Guardian

სხვა ადამიანები აცხადებდნენ, რომ სემ ტოვის ბიბლია ემსახურება როგორც პრაქტიკულ, ასევე ესთეტიკურ მიზნებს. ბიბლიაზე არსებულ მინაწერში ნათქვამია, რომ მის მფლობელებს არ სურდათ მასთან განშორება, "რადგან, გარდა იმისა, რომ ის ნამდვილად ძვირფასი ნივთია, მას ზებუნებრივი ძალაც აქვს, რადგან მას შეუძლია გადაარჩინოს ქალი, რომელიც მძიმე შრომის ქვეშაა."

წიგნი აქამდე კერძო კოლექციის ნაწილი იყო, ის ებრაული ხელნაწერების გამორჩეულმა კოლექციონერმა, დავით სოლომონ სასუნმა მე-20 საუკუნის პირველ ათწლეულში შეიძინა.

ამდენი ხნის შემდეგ კი, ის პირველად გახდება საზოგადოებისთვის ცნობილი და მისი ნახვა ყველა დაინტერესებულ პირს შეეძლება.