აშშ-ის პრეზიდენტობის კანდიდატებმა, კამალა ჰარისმა და დონალდ ტრამპმა, არჩევნებამდე ორი თვით ადრე ტელედებატები გამართეს. CNN-ის კვლევითი, რომელიც კომპანია SSRS-მა ჩაატარა, ტელემაყურებლებმა (ვინც თვალი ადევნეს დებატს) გამარჯვებულად ჰარისი დაასახელეს.

დებატების დაწყებამდე, რესპონდენტთა დაახლოებით — 50 %-ს ტრამპის წარმატების სჯეროდა, თუმცა საბოლოოდ 63 % - მა ჰარისს გამოუცხადა მხარდაჭერა, ხოლო 37%-მა დონალდ ტრამპს.

ამერიკის პრეზიდენტობის კანდიდატებს შორის დებატები 10 სექტემბერს, ფილადელფიაში, ადგილობრივი დროით 9 საათზე ჩატარდა. დებატებს ABC News აშუქებდა.

აშშ-ის პრეზიდენტობის კანდიდატი 59 წლის კამალა ჰარისი, ისტორიაში პირველი ქალი, ისევე როგორც პირველი შავკანიანი, აზიური წარმოშობის ვიცე-პრეზიდენტია.

21 ივლისს, აშშ-ის მოქმედმა პრეზიდენტმა ჯო ბაიდენმა განაცხადა, რომ დემოკრატიული პარტიის და ქვეყნის ინტერესების გამო მარათონს ეთიშება და პრეზიდენტად კენჭს აღარ იყრის. მან კანდიდატად კამალა ჰარისი წარადგინა. ჰარისი გამარჯვების შემთხვევაში პირველი ქალი პრეზიდენტი იქნება აშშ-ის ისტორიაში.

მილიარდერი ბიზნესმენი დონალდ ტრამპი, აშშ-ის პრეზიდენტი 2017 წლიდან 2021 წლამდე იყო. ის 2020 წელს ჯო ბაიდენთან საპრეზიდენტო მარათონში დამარცხდა. ტრამპმა არჩევნების შედეგებს არალეგიტიმური და გაყალბებული უწოდა.

აშშ-ის საპრეზიდენტო არჩევნები 2024 წლის 5 ნოემბერს გაიმართება.