ნიგერიაში ნავთობმზიდისა და სატვირთო მანქანის შეჯახების შედეგად, სულ მცირე, 50 ადამიანი დაიღუპა, — ინფორმაციას BBC ქვეყნის საგანგებო სიტუაციების მართვის სააგენტოზე დაყრდნობით ავრცელებს

შემთხვევა ქვეყნის ცენტრალურ ნაწილში, ნიგერის შტატში მოხდა. შეჯახებამ აფეთქება გამოიწვია, რის გამოც დაიწვა ორივე სატრანსპორტო საშუალება.

აფეთქების შედეგად ცეცხლი სხვა მანქანებსაც მოედო. სატვირთო მანქანას ხალხი და პირუტყვი გადაჰყავდა. როგორც BBC-ის ნიგერიის საგანგებო სამსახურებში განუცხადეს, რვა ადამიანი საავადმყოფოში რჩება.