"ყველამ იცით ცხრა ნაბიჯი, რომელიც საქართველომ უნდა გადადგას, რათა შესაძლებლობა ჰქონდეს, დაიწყოს მოლაპარაკებები ევროკავშირში გასაწევრიანებლად. უნდა დავამატოთ მეათე ნაბიჯი, რაც გულისხმობს უცხოეთის აგენტების შესახებ კანონის უკან გაწვევას", — ამის შესახებ გერმანიის მმართველი კოალიციის წევრმა, ბუნდესტაგში სოციალ-დემოკრატიული პარტიის (SPD) პრესსპიკერმა, ნილს შმიდმა გერმანიის საელჩოში პრესკონფერენციაზე განაცხადა.

მათი თქმით, ეს კანონი მკაფიო წინააღმდეგობაშია ევროპულ სტანდარტებთან.

"ყველამ იცით ცხრა ნაბიჯი, რომელიც საქართველომ უნდა გადადგას, რათა შესაძლებლობა ჰქონდეს, დაიწყოს მოლაპარაკებები ევროკავშირში გასაწევრიანებლად. მე კი გეტყვით, რომ უნდა დავამატოთ მეათე ნაბიჯი, რაც გულისხმობს უცხოეთის აგენტების შესახებ კანონის უკან გაწვევას, რადგანაც ეს კანონი მკაფიო წინააღმდეგობაშია ევროპულ სტანდარტებთან, როგორც ეს აღნიშნა ბევრმა საერთაშორისო დამკვირვებელმა. ამიტომ საჭიროა, ამ ცხრა ნაბიჯის, ასევე მეათე ნაბიჯის იმპლემენტაცია, ვიდრე ჩვენ შევძლებთ, ფორმალურად გავხსნათ მოლაპარაკებები საქართველოს ევროკავშირში გაწევრიანების შესახებ. ჩვენ ეს გზავნილები მკაფიოდ გადავეცით და განვუმარტეთ ყველას, ვისაც შევხვდით საქართველოში ვიზიტისას, რადგანაც ჩვენ გვინდა, ქართველებმა იცოდნენ, რომ ევროკავშირში გაწევრიანების მოლაპარაკებების დასაწყებად არსებობს მკაფიო კრიტერიუმები და ეს არ არის პოლიტიკური თემა, ეს არის სტანდარტები, რომელსაც ვიყენებთ ევროკავშირის წევრობის ყველა შესაძლო კანდიდატებისადმი“, – განაცხადა ნილს შმიდმა.