წულუკიანი ლაშა ბაქრაძეზე: სრულიად გამოუცდელი ადამიანი შეაგდეს ტატამზე

6 Sep. 2024, 11:37

"ბატონი ლაშა სულ ორი თვეა, რაც პოლიტიკაში შემოვიდა და ამ ორ თვეში მოახერხა და დაიწყო საკუთარი თავის მოკვლა.

იმის ფონზე, რომ როგორც ვივამედში მყოფმა კრიმინალმა გვამცნო, როცა ლაშა ბაქრაძე წარმოადგინეს, მასზე ამყარებდნენ ახალ იმედებს, ამ პოლიტიკური ძალისთვის დასანანი უნდა იყოს, რომ ასეთმა ახალმა სახემ სულ ორ თვეში პოლიტიკურად დიდი დარტყმა მიაყენა მათ, მათვე დაუშვეს შეცდომა, რომ სრულიად გამოუცდელი ადამიანი შეაგდეს ტატამზე.

აქ ალბათ ცოტა პოლიტიკური გაკვეთილებიც ყველას სჭირდება. მე მაგალითად, არ დამეზარებოდა (ამას არ ვამბობ ჩემთვის ჩვეული ირონიით), გულწრფელად ვამბობ, თუ ბატონი ლაშა მოისურვებს, მიუხედავად იმისა, რა იქნება დისციპლინარული პროცედურის შედეგი, გაბრაზდება თუ არ გაბრაზდება, კმაყოფილი იქნება თუ სხვა, რომ მე მას შევხვდე და 1-2 პოლიტიკური რჩევა მივცე.

მიუხედავად ამისა, მისი გამონათქვამი ჩემს თავზე არ აღმიქვამს, გამეცინა, რადგან სახეზე იყო აბსოლუტური ზედაპირული გამოუცდელობა და საკუთარ თავზე დიდი წარმოდგენა, ეს ყველაფერი არის ჩემი პოლიტიკური შეფასებები, რაც შეეხება სამართალს, ამას ვნახავთ მომდევნო დღეებში".

ბოლო ამბები:

თეა წულუკიანი წულუკიანი ლაშა ბაქრაძეზე: სრულიად გამოუცდელი ადამიანი შეაგდეს ტატამზე

კომენტარები

კვირის ტოპ-5

გირჩევთ

ახლა კითხულობენ

ასტრონავტების "სამედიცინო ევაკუაციამ" წარმატებით ჩაიარა — ისინი უკვე დედამიწაზე არიან