ვენეციის სასამართლომ რუსუდან გლურჯიძეს ფილმის ანტიკვარიატის ჩვენების ნება დართო, ფილმის პრემიერა 6 სექტემბერს შედგება.

შეგახსენებთ, რომ გასულ კვირას საავტორო უფლებებზე დავის გამო, ვენეციაში რუსუდან გლურჯიძის ფილმის ჩვენება შეჩერდა.

ფოტო: Getty Images

"ჩვენ არცერთი წამით არ შევწყვეტთ კინორეჟისორ რუსუდან გლურჯიძის განუყოფელი უფლებების მხარდაჭერას, რაც ვენეციაში მისი ფილმის მაყურებლისთვის ჩვენებას გულისხმობს. ამის გათვალისწინებით, გადავწყვიტეთ, კინემატოგრაფისტთა ასოციაციების სოლიდარობით, წარმოგვედგინა შესაგებებელი სარჩელი ვენეციის სასამართლოში. პროცესში ჩართული იყო ადვოკატთა გუნდი. ვენეციის სასამართლომ დააკმაყოფილა ჩვენი სარჩელი და ცალსახად დანიშნა ჩვენება, რეჟისორის მორალური უფლებების აღიარებით. ნამდვილად შეგვიძლია ვთქვათ, რომ სამართლიანობა აღსრულდა კინოხელოვნებასთან, შემოქმედებით გუნდთან, ქართველ კინორეჟისორ რუსუდან გლურჯიძესთან და მის ფილმთან მიმართებით. უპირველეს ყოვლისა, ვენეციის კინოფესტივალისთვისაც შეიქმნა პრეცედენტი, რომელიც ყველგან სარგებელს მოუტანს კინემატოგრაფისტებს", — განაცხადა პროგრამის დირექტორმა ფრანჩესკო რანიერი მარტინოტიმ.