საქართველოს საგარეო საქმეთა სამინისტროს პრესსამსახურის ცნობით, დღეს 5 სექტემბერს საგარეო საქმეთა მინისტრი ილია დარჩიშვლი მალაიზიის პარლამენტის ზედა პალატის (სენატის) ვიცე-პრეზიდენტთან დატუკ ნურ ჯაზლან ბინ თარ სრი მოჰამედს შეხვდა.

მხარეებმა განიხილეს ორ ქვეყანას შორის არსებული ურთიერთობების აქტუალური საკითხები და იმსჯელეს თანამშრომლობის სამომავლო პრიორიტეტულ მიმართულებებზე.

პრესსამსახურის მიერ გავრცელებულ ტექსტში წერია, რომ ილია დარჩიაშვილიმა დატუკ ნურ ჯაზლან ბინ თარ სრი მოჰამედთან შეხვედრაზე განსაკუთებული ყურადღება დაუთმო ეკონომიკის, ვაჭრობის, ტურიზმის, განათლებისა და ხალხთა შორის კონტაქტების სფეროებში თანამშრომლობის გაღრმავების პერსპექტივებს.

შეხვედრისას ხაზი გაესვა ქვეყნებს შორის პოლიტიკური დიალოგის გაგრძელების მნიშვნელობას და მალაიზიასთან საქართველოს მოქალაქეებისთვის სავიზო რეჟიმის შემდგომი ლიბერალიცაზიის შესაძლებლობებს.

ილია დარჩიაშვილმა მადლობა გადაუხადა მალაიზიურ მხარეს საქართველოს სუვერენიტეტისა და ტერიტორიული მთლიანობის მხარდაჭერისთვის საერთაშორისოდ აღიარებულ საზღვრებში.