ნაციონალური მოძრაობის წევრი, ლაშა ბაქრაძე 3 სექტემბერს გაკეთებული განცხადების გამო ბოდიშს იხდის.

“თუ ჩემი ნათქვამი არასწორად აღიქვა ვინმემ ან ისე გაიგო, როგორც არ მიგულისხმია — ბოდიშს ვიხდი.

არასწორი სიტყვა გამოვიყენე და როგორც ჩანს, უკეთ უნდა ამეხსნა კონტექსტი”, — წერს ლაშა ბაქრაძე სოციალურ ქსელში.

შეგახსენებთ, რომ ნაციონალური მოძრაობის პრესსამსახურმა გუშინ გაავრცელა ლაშა ბაქრაძის განცხადება, სადაც ის ამბობს, რომ მათ გვერდით დგანან თინა, თამარი, სოფო და არა ის "ნახმარ სახეები", რომლებიც აქვთ ქართული ოცნების წარმომადგენლებს.

"ან ვირჩევთ სიღატაკეს, სიდუხჭირეს, შიმშილს 41 ნომერთან ერთად, ან 5 ნომერთან და ჭეშმარიტ ოპოზიციურ პარტიებთან ერთად გზას, რომელიც ქართველმა ხალხმა აირჩია დასავლეთისკენ და კეთილდღეობას ევროპასთან ერთად, მეტ სამართლიანობას, მეტ თანასწორობას ადამიანებს შორის. არჩევანი არის ძალიან მარტივი გასაკეთებელი, მით უმეტეს, როდესაც შეხედავთ, როგორი ქალები დგანან ჩვენ გვერდით. დღეს თქვენ დაინახეთ ქალბატონი თინა, თამარი, სოფო. აი, ასეთ ადამიანებს გთავაზობთ ჩვენ და არა, ბოდიშით და, იმ "ნახმარ სახეებს", რომლებიც აქვთ ქართული ოცნების წარმომადგენლებს“, – განაცხადა ბაქრაძემ ვასო გოძიაშვილის პარკში გამართულ ღონისძიებაზე სიტყვით გამოსვლისას.

დღეს ლაშა ბაქრაძის განცხადება "ქართულმა ოცნებამ", "გირჩმა", გახარიას პარტიამ და სახალხო დამცველმა გააკრიტიკეს.

ამავე თემაზე:

ლაშა ბაქრაძის განცხადება "ქართულმა ოცნებამ", "გირჩმა" და გახარიას პარტიამ გააკრიტიკეს